قصيده جزله من شااعر جزل

[عـبـيـد]

ياذيب لاتقنب على الليـث ياذيـب***حنا أسـود الغـاب والنـار حيـه

نارد على الأفكار ونجيبهـا جيـب***ونقودهـا قـود الرسـن للمطيـه

نرقا على المعنى بروس المراقيـب***عـادةً خـويً مايخلـي خـويـه

مانلتفـت للـي يعكـف الأشانيـب***ولاهمنـا هـذى وهـذي وذيــه

أعن وأسرج وأركب أصايل الطيب***وأهذب مع الفرسان صبح وعشيـه

ماني من اللي يعيش تحت المعازيب***سلـمً لنـا بأيامـنـا الجاهلـيـه

نارد على هداج عذب المشاريـب***ولّنحاتي اللـي لـه ثلاثيـن نيـه

أطيب فعوله بس شـذب العراقيـب***يغزي ويكسب من تحت ظـل فيـه

يامن تدور مـن وراي العذاريـب***تبطـي ولا تلقـى وراي الرديـه

عيبي اذا كانه يبى يعدلـي عيـب***الجيب فاضي بـس نفسـي غنيـه

لني مادور في قصيـدي مكاسيـب***اقطع ذراعي قبل لا أخـذ عطيـه

الشاعر : سلطان السبيعي

[حلفي وربي الله]

صـح لسـان الشـاعر/سلطـان السبيعــي
ويعطيـك العافيـه أخـوي الجنـاحـي
ع النقـل الرائـع





تقبــل مــرووري

[همس الغلا]

صح اللسان شاعرها وناقلها

قصيده رائعه بمعنى الكلمه

لاهنت

[عـبـيـد]

حلفي

همس الغلا

مشكورين على مروركم الرائع

تقبلو تحياتي

اخوكم : الجناحي

[فــهـــد]

صــح لســان الشـاعـر / سلطـــــان السبيعــي

وتسلـم يالجنــــاحي علـى النقــل لأن موضــوع القصيـــده يستاهـل الإشــاده 00

خصــوصـا ان الشعـر هذه الايـــــام أصبـح مصـدر للـرزق عند كثيـر من الشعــراء00

وليس مصـدراً للتعبيـر عمـا تكنـه الـروح00

لك كل التقــــــدير

فــهـــد

[عـبـيـد]

مشكور على مرورك الرائع اخي فهد

تقبل تحياتي

اخوك : الجناحي

[سفير الحلف]

موفق بإذن الله ... لك مني أجمل تحية .